ڕێژەی بارانبارینی ئەمساڵی سەنتەری پارێزگاكانی هەرێمی كوردستان بڵاوكرایەوە، هەڵەبجە زۆرترین و دهۆك كەمترینی لێباریوە.
بەپێی ئامارەكانی كەشناسی و بومەلەرزەزانیی هەرێمی كوردستان، ئەمساڵ تا ئێستا لە هەولێر 89 ملیمەتر و لە سلێمانیش 87 ملیمەتر باران باریوە.
زۆرترین ڕێژەی بارانبارین لە سەنتەری پارێزگاكانی هەرێم، لە هەڵەبجە باریوە، بە 105 ملیمەتر، كەمترینیش لە دهۆك باریوە بە تەنها 38 ملیمەتر.
كەشناسیی هەرێم ڕێژەی بەرانبارینی كەركوكیشی بڵاوكردووەتەوە و ئەمساڵ تا ئێستا تەنها 26 ملیمەتر باریوە.
