لەوكاتەوەی لیۆنێل مێسی پەیوەندی بە یانەی پاریس سانجێرمانەوە كردووە، خولی فەڕەنسا لە ڕوی داهاتەوە بوژاوەتەوە.
رۆژنامەی لیكیپ ئاشكرایكردووە، رابیتەی خولی فەڕەنسا شەش گرێبەستی نوێی ئیمزاكردووە بۆ گواستنەوەی یارییەكانیان تا ساڵی 2024.
ئەوەشی بڵاوكردۆتەوە كە بەشێك لەو كۆمپانیایانەی پێشتر پەشیمان بوبونەوە لە گواستنەوەی یارییەكان، جارێكی تر گەڕاونەتەوە بۆ ڕكابەرییەكە.
رۆژنامەی لیكیپ جەخت لەوە دەكاتەوە كە ڕێژەی بینینی یارییەكانی خولی فەڕەنسا 76% بەرزبۆتەوە.
جگە لەوەی ڕێژەی هاندەران لەناو یاریگادا و ڕێژەی كڕینی درێسی یاریزانەكان رۆژانە لە بەرزبونەوەدایە.
