پۆلیسی سلێمانی ڕایگەیاند، تۆمەتبارێكیان دەستگیكرد كە بە ئۆتۆمبێل لە ماتۆڕسكیلێكی داوە و شۆفێری ماتۆڕسكیلەكەی برینداركردووە و هەڵاتووە.
لە ڕاگەیەندراوێكدا پۆلیسی سلێمانی ئاماژەی بەوەكردووە، “دوای ئەوەی ڕۆژی 6-11-2021 شۆفێرێك بە ئۆتۆمبێل لە ماتۆڕسكیلێكی دا و شۆفێری ماتۆڕسكیلەكەی برینداركرد و هەڵات، پۆلیس لێكۆڵینەوەكانی دەستپێكرد و دوای وەرگرتنی بڕیاری دادوەر توانرا لەلایەن بنكەی پۆلیسی ڕزگارییەوە تۆمەتبار بدۆزرێتەوە و دەستگیربكرێت و دەستیش بگیرێت بەسەر ئۆتۆمبێلەكەیدا”.
پۆلیسی سلێمانی دەڵێت، “لەئێستادا تۆمەتبار (ك ، ك ، ق لەدایكبووی 1982) بەبڕیاری دادوەر ڕاگیراوە و لێكۆڵینەوە لەگەڵیدا بەردەوامە .
