ئیمانیۆل ماکرۆنی سەرۆکی فەرەنسا لە دوای دوو هێرشی یەک لە دوای یەک لە وڵاتەکەی سەردانی شوێنی یەکێک لە هێرشەکانی کرد و ڕایگەیاند، فەرەنسا لە ژێر هێرشی ئیسلامییە توندڕەوەکاندایە.
ماکرۆن وتیشی، “ئێمە ڕێزێکی زۆر بۆ ئازادی دادەنێین هەر ئەمەیە کە وایکردووە بەردەوام لە ژێر هێرشی ئیسلامییە توندڕەوەکاندا بین”.
سەرۆکی فەرەنسا لە قسەکانیدا نەیشاردەوە کە ئەوان بەرگری لە ئازادی و کۆمەڵگەی کاتۆلیکی فەرەنسی دەکەن، لەمەودا چاوێکی دیکە بە خوێندنگە و گروپە ئاینییەکاندا دەخشێننەوە.
ئەمڕۆ فەرەنسا بینەری دوو هێرش بوو بە چەکی سارد، سەرەتا پۆلیسی فەڕەنسا ڕایگەیاند، كەسێك دەستگیركراوە لە شاری نیس كە بە چەقۆ هێرشی كردووەتەسەر خەڵك و “سێ كەسی كوشتووە”.
هەر ئێوارەی ئەمڕۆ میدیاكانی فەرەنسا بڵاویانكردەوە هێزە ئەمنییەكان كەسێكیان بە فیشەك كوشتووە كە بە چەقۆ هەڕەشەی لە ڕێبوارانی شارێكی باشووری فەرەنسا كردووە.
