سەرەتاکانی ئەنجامی ڕاپرسییەکانی ئەمریکا نیشانیدەدات کە دۆناڵد ترەمپی کاندیدی کۆمارییەکان لە پێشەوەی جۆبایدنی ڕکابەرییەتی، ئەمەش بۆ یەکەمجارە ترەمپ پێش بایدن بکەوێت.
ڕاپرسییەکانی دەزگاکە ئەوەشی ئاشکراکردووە کە %3ی دەنگدەرانی ئەمریکا دەنگیان بە کاندیدانی حزبە بچوکەکان داوە، لەکاتێکدا %2ی دەنگدەران دەنگیان بە هیچ کەندیدێک بەداوە.
ڕاپرسییەکە لە 24 و 25ی مانگی تشرینی یەکەم، ئەنجامدراوە و 1500 دەنگدەر بەشدارییان تێداکردووە، ئاستی هەڵە لە ڕاپرسییەکەدا %2.5 بووە.
هەروەها ڕاپۆرتەکەی دەزگای ڕاسمۆسن ئاشکرایکردووە، لە ڕاپرسییەکانیاندا ترەمپ بۆ یەکەمجارە پێش بایدنی ڕکابەری دەکەوێت.
لەلایەکی دیکەوە ئاژانسی ڕۆیتەرز بە هەماهەنگی لەگەڵ دامەزراوەی ئیبسوسی ئەمریکی ڕاپرسییەکی لە شەش ویلایەتی ئەمریکی ئەنجامداوە و بەپێی ئەنجامەکان بایدن لە پێشەوەی ترەمپە.
هەڵبژاردنەکانی سەرۆکایەتیی ئەمریکا، لە بەرواری 3ی تشرینی دووەمی 2020 بەڕێوەدەچێت، هەریەکە لە دۆناڵد ترەمپ وەک کاندیدی کۆمارییەکان و جۆ بایدن کاندیدی دیموکراتەکان کێبڕکێدەکەن لەسەر بەدەستهێنانی سەرۆکایەتیی کردنی ویلایەتی داهاتووی ئەمریکا.
