پارێزگاری سلێمانی ژمارەیەك بڕیار و ڕێنمایی تایبەت بە هەڵبژاردنی پەرلەمانی عێراق دەركرد و دەڵێت، بردنە ژوورەوەی مۆبایل بۆ بنكەكان قەدەغەیە، هەر بەپێی ناوەڕۆكەكەی لەناو دامودەزگا حكومییەكانیشدا هەر فۆڕم و زانیاری كۆكردنەوەیەك دەربارەی زانیاریی كەسی و كارتی دەنگدان ڕێگەپێنەدراوە.
بە نوسراوی ژمارە (10024) كە ئەمڕۆ 29ی ئەیلول لەلایەن پارێزگای سلێمانی بە واژووی هەڤاڵ ئەبوبەكر، پارێزگاری سلێمانی بڵاوكراوەتەوە و ئاراستەی سەرجەم فەرمانگە و یەکە کارگێڕییەکانی سنووری سلێمانی كراوە، چەند بڕیار و ڕێنماییەك تایبەت بە ڕۆژانی هەڵبژاردنی تایبەت و گشتی دەركراون.
لە بڕیارەكاندا هاتووە، لە ڕۆژانی دەنگدانی تایبەت و گشتیشدا لەسەر بڕیاری کۆمسیۆنی باڵای سەربەخۆی هەڵبژاردنەکان و لیژنەی باڵای ئاسایشی هەڵبژاردنەکانی هەرێمی کوردستان، بردنە ژوورەوەی مۆبایل بۆ ناو بنکەکانی دەنگدان قەدەغەیە.
دەشڵێت، هەر فۆڕم و زانیاری كۆكردنەوەیەك دەربارەی زانیاریی كەسی و كارتی دەنگدان و ژمارەی مۆبایل لە دامودەزگاكانی دەوڵەتدا قەدەغەیە.
نووسراوەكە ڕوونیشیدەكاتەوە، وەرگرتنەوەی كارتی دەنگدان تا ڕۆژی 5ی تشرینی یەكەمی داهاتوو دەبێت و بانگەشەی هەڵبژاردنیش تا كاتژمێر 6ی ڕۆژی 9ی تشرینی یەكەم بەردەوامدەبێت.
بڕیارە لە 10ی تشرینی یەكەمی داهاتوودا هەڵبژاردنی پێشخراوی پەرلەمانی عێراق بەڕێوەبچێت.
دەقی نووسراوەكە:
