دادگای باڵای فیدراڵی وادەیەكی نوێی بۆ چاوخشاندنەوە بە تانەكان لەسەر یاسای بودجە دیاریكرد.
دادگاكە ئەمڕۆ بڕیاریدا لە 19ی ئەم مانگە دانیشتنێكی تایبەت ئەنجامبدات بۆ تاوتوێكردنی ئەو تانانەی سەبارەت بە یاسای بودجەی گشتیی عێراق بۆ ساڵی 2021 پێشكەشكراون.
لە 24ی ئابی ڕابردوو دادگای فیدراڵی تاوتوێكردنی ئەو پرسەی بۆ ئەم مانگە دواخست.
پێشتر ئەنجومەنی وەزیرانی عێراق، مستەفا كازمی سەرۆك وەزیرانی ڕاسپارد بۆ تانەدان لەسەر هەندێك لە بەند و ماددەكانی یاسای بودجە، پاش گۆڕانكاری و دەستكاریكردنی لەلایەن ئەنجومەنی نوێنەران لەكاتی پەسەندكردنیدا.
