وتەبێژی چەکدارانی تاڵیبان بەناوی وتەبێژی ئەمارەتی ئیسلامییەوە کۆنترۆڵکردنی ویلایەتی پەنجشیری ڕاگەیاند و دەڵێت، “وڵات لە شەڕی ناوخۆ دورخرایەوە”.
لە ڕاگەیەندراوێکدا زەبیحوڵا مجاهید، وتەبێژی چەکدارانی تاڵیبان وتویەتی، “بە هاوکاری میلەتی خۆمان بەشێوەیەکی تەواوەتی ویلایەتی پەنجشیر کۆنترۆڵکرا.”
ڕاگەیەندراوەکەی وتەبێژەکەی تاڵیبان تیایدا هاتووە، “ژمارەیەکی زۆر لە بەرهەڵستکاران لە پەنجشیر کوژراون و ئەوانەشی ماونەتەوە هەڵاتوون، بەوەش کۆتایی بە بارمتەگرتنی خەڵکی ویلایەتەکە هات.”
تاڵیبان دڵنیایی داوەتە خەڵکی ویلایەتی پەنجشیر کە ئەوان “برای ئەوانن و لێکۆڵینەوە یان بەرکەوتن لەگەڵ کەسیاندا ناکرێت.”
بانگەشەی تاڵیبان بۆ کۆنترۆڵکردنی ویلایەتی پەنجشیر لەکاتێکدایە، تا ئێستاش “بەرەی بەرگری” باس لە بەردەوامیدان بە بەرگری دەکات.
دوێنێ لە ڕوبەڕوبوونەوەکاندا، فەهیم دەشتی، وتەبێژی هێزەکەی ئەحمەد مەسعود لە پەنجشیر کوژرا، هاوکات شەوی ڕابردوو “مەولەوی فەسیحەدین” فەرماندەی چەکدارانی تاڵیبان لە بەرەی باکوری ڕۆژهەڵات بۆ کۆنترۆڵکردنەوەی پەنجشیر کوژرا.
ویلایەتی پەنجشیر تاکە ویلایەتی دور لە دەستی تاڵیبانە لەماوەی یەک مانگی ڕابردوودا، لەوێ هێزێک بەسەرپەرشتی ئەحمەد مەسعود، کوڕی ئەحمەد شا مەسعودی سەرکردەی شۆرشگێری ئەفغانی ئامادەی بەرگرییە دژی تاڵیبان، بەڵام چەکدارانی تاڵیبان ئەوە بۆجاری دووەمە کۆنترۆڵی ویلایەتەکە ڕادەگەیەنن.
🎥 برافراشتن پرچم طالبان در #پنجشیر
طالبان مدعی تسلط کامل بر پنجشیر شد
برخی منابع رسانه‌ای در افغانستان از شب گذشته مدعی شدند که بدنبال بمباران مواضع نیروهای جبهه مقاومت ملی در پنجشیر توسط پهپادهای پاکستانی پیشروی نیروهای طالبان در این منطقه تسریع شده است pic.twitter.com/qxgT8UTNME
— خبرگزاری تسنیم 🇮🇷 (@Tasnimnews_Fa) September 6, 2021
