بەهۆی بۆردومانێكی فڕۆكەكانی توركیا بۆ سەر ناوچەیەكی سەر بە شاری مالكییە لە ڕیفی حەسەكە ژمارەیەك هاوڵاتی كوژران.
ئاژانسی هاوار نیوز ئەمڕۆ سێشەممە 20ی تشرینی یەكەم ڕایگەیاند، دوو هاوڵاتی مەدەنی بەهۆی بۆردومانێكی توركیا بۆ سەر ئۆتۆمبێلەكەیان لە گوندی مزرەی ریفی دێرك كوژراون.
هاوكات هێزەكانی ئاسایشی ناوخۆی باكوور و ڕۆژهەڵاتی سوریا لە بەیاننامەیەكدا ئاشكرایكرد، بۆردومانەكە پاش نیوەڕۆی ئەمڕۆ لەلایەن فڕۆكەی بێفڕۆكەوانی سەر بە سوپای توركیاوە ئەنجامدراوە.
هۆشداری ئەوەشیداوە كە ماوەیەكە ژمارەیەكی بەرچاو لە فڕۆكەی بێفڕۆكەوانی سەر بە سوپای توركیا بە ئاسمانی باكوور و ڕۆژهەڵاتی سوریادا دەسوڕێنەوە و، ناوبەناو هاوڵاتییان و دامەزراوە مەدەنییەكان دەكەنە ئامانج.
