بزوتنەوەی تاڵیبان بەندیخانەی ناوەندیی شاری قەندەهاری كۆنترۆڵكرد و سەدان زیندانیكراوی ئازادكرد.
زەبیحوڵڵا موجاهید وتەبێژی بزوتنەوەی تاڵیبان لە تویتێكدا ئاشكرایكردووە، دوای گەمارۆدانی بۆ ماوەیەکی زۆر، شەوی ڕابردوو توانیویانە بەندیخانەی ناوەندیی شاری قەندەهار كۆنترۆڵبكەن، سەدان زیندانیكراویان ئازادکردووە و “گواستویاننەتەوە بۆ شوێنێکی پارێزراو”.
بە وتەی زەبیحوڵڵا موجاهید، ئەو هێزە ئەمنییەی ئەرکی پاراستی بەندیخانەكەی لەئەستۆدا بووە، ڕوبەڕوویان نەبوونەتەوە و خۆیان و چەک و کەرەستە سەربازییەکانیان ڕادەستی چەکدارانی تاڵیبان کردووە.
سەرەڕای ئەو پێشڕەوییە بەڵام تا ئێستا تاڵیبان بە تەواوەتی شاری قەندەهاری كۆنترۆڵنەكردووە.
