لەسەر ڕاسپاردەی بافڵ تاڵەبانی هاوسەرۆکی یەکێتیی نیشتمانیی كوردستان، بودجەیەک بۆ چارەسەرکردنی کێشە و گرفتەکانی ئاو و دابینکردنی ئاوی خواردنەوە لە سلێمانی تەرخانکرا، ئەو بودجەیە پێشتر لەلایەن بەڕێوەبەرایەتیی ئاوی سلێمانییەوە داواکرابوو.
لە ڕاگەیەندراوێکدا بەڕێوەبەرایەتیی ئاوی سلێمانی ڕایگەیاند، “داوامان کردبوو بودجە‌یە‌كمان بۆ تە‌رخانبكرێت بە‌مە‌بە‌ستی زیاتركردنی تواناكانمان بۆ دابینكردنی ئاوی خواردنەوە بۆ ھاوڵاتییان و چارە‌سە‌ركردنی ھە‌ندێك گرفتی تە‌كنیكی”.
ئاشكرایكردووە، ئەمرۆ لەسەر ڕاسپاردەی بافڵ تاڵەبانی ئەو بودجەیە لەلایەن ئیدارەی گشتیی یەكێتییەوە بۆ بەڕێوەبەرایەتیی ئاوی سلێمانی تەرخانکرا.
