سەرۆكی هەرێمی كوردستان و شاندی یاوەری لە تاران لەگەڵ سەرۆك كۆماری نوێی ئێران كۆبوونەوە.
لە دووەم ڕۆژی سەردانەكەیدا بۆ ئێران، نێچیرڤان بارزانی سەرۆكی هەرێمی كوردستان لەگەڵ ئیبراهیم ڕەئیسی سەرۆك كۆماری نوێی ئێران كۆبووەوە و تیایدا پەیوەندییەكانی نێوان هەولێر و تاران تاوتوێكران.
لە كۆبوونەوەیەدا هەریەك لە ڕێواز فایەق سەرۆکی پەرلەمانی کوردستان، پشتیوان سادق وەزیری ئەوقاف، کوێستان محەممەد وەزیری کار و کاروباری کۆمەڵایەتی و حەمەی حەمەسەعید، وەزیری رۆشنبیریی حكومەتی هەرێم بەشداربوون.
دوێنێ نێچیرڤان بارزانی و شاندی هەرێمی كوردستان گەیشتنە ئێران بەمەبەستی بەشداریكردن لە ڕێوڕەسمی سوێندخواردنی سەرۆك كۆماری نوێی ئێران.
