پۆلیسی هەولێر ڕایدەگەیەنێت، دوو كەس بە تۆمەتی بەكارهێنانی ماددەی هۆشبەر دەستگیركراون، جگەلەوەش بە ساختە خۆیان وەك هێزە ئەمنییەكان ناساندووە.
بەڕێوەبەرایەتی پۆلیسی پارێزگای هەولێر ڕایگەیاند، بەشی پۆلیسی نەهێشتنی تاوان لەکاتی گەڕان و سوڕان بەنێو شەقامەکانی شاری هەولێر کاتژمێر 04:00ی بەرەبەیان توانیان دوو تۆمەتبار بەناوەکانی (ک. ع. ا.) و (ر. د. ف.) دەستگیربکەن بەتۆمەتی بەکارهێنانی ماددەی هۆشبەر.
دەشڵێت، تۆمەتباران /ئۆتۆمبێلەکەیان لە جۆری (نیسان پیک اب) نەشرەی پۆلیسیان لێدابوو خۆیان وەک هێزە ئەمنیەکان دەناساند”.
لەگەڵ دەستگیركردنیاندا دەست بەسەر ئۆتۆمبێلەکە و چەکێک لە جۆری (کلاشینکۆف) و چەقۆیەک و ماددەی هۆشبەر لەجۆری (کریستال، جامایکا و حەبی ئاڕتین)دا گیرا.
