كوالێتی كۆنتڕۆڵی جۆری دەرمان بڵاویكردەوە، لە هەولێر و دهۆك هەشت كۆمپانیای دەرمان بەھۆی سەرپێچی جۆراوجۆر و پابەندنەبوونیان بە ڕێنمایی و مەرجەكانی وەزارەتی تەندروستی و كوالێتی كۆنتڕۆڵی دەرمان داخران.
لە ڕاگەیەندراوێكدا بەڕێوەبەرایەتی كوالێتی كۆنتڕۆڵی جۆری دەرمان، بڵاویكردەوە، “ئەمڕۆ یەكشەممە تیمەكانمان لە لیژنەی چاودێری بازاڕ لە هەولێر و دهۆك، بەهاوكاری پۆلیسی شارەوانی، حەوت كۆمپانیای دەرمان و كۆمپانیایەكی دیكەشمان لەشاری دهۆك داخست.”
ڕوونیشیكردووەتەوە، هۆكاری داخستنی ئەو هەشت كۆمپانیایە بەهۆی سەرپێچی جۆراوجۆر و پابەندنەبوونیان بووە بە ڕێنمایی و مەرجەكانی وەزارەتی تەندروستی و كوالێتی كۆنتڕۆڵی دەرمان”.
كوالێتی كۆنتڕۆڵی دەرمان هۆشداریشی بە سەرجەم كۆمپانییاكانی دەرمان لە هەرێمی كوردستان داوە، لە ئەگەری پابەندنەبوون بە ڕێنماییەكانی تەندروستی، ڕوبەڕوی سزای یاسایی تونددەكرێنەوە.
