قوباد تاڵەبانی جێگری سەرۆکی حکومەتی هەرێمی کوردستان دڵنیایی سەبارەت بە دۆخی ڕۆژنامەگەریی لە سلێمانی دەدات و ڕایگەیاند، هیچ ڕۆژنامەنوسێک دووچاری لێپرسینەوە نابێت.
قوباد تاڵەبانی ئەمڕۆ هەینی پێسوازیکرد لە تیمێکی لقی سلێمانیی سەندیکای ڕۆژنامەنوسان و سەنتەری میترۆ و ڕۆژنامەی هاوڵاتی، گفتوگۆیان لەبارەی دۆخی ڕۆژنامەگەریی و ئازادی ڕادەربڕین و بڵاوکردنەوە کرد.
جێگری سەرۆکی حکومەت دڵنیاییدا بە ڕۆژنامەنوسان، کە بەهیچ شێوەیەك مەترسی لەسەر ڕەوشی ئازادیی ڕۆژنامەگەریی لە سلێمانی دروست نابێت وھیچ ڕۆژنامەنوسێكیش دووچاری لێپرسینەوە نابێت.
وتیشی، ، لەسەر ئەو بنەمایەی كە هەندێك كەناڵ و پەیجی دیاریكراو داخراون، كارمەندەكانیان نە نانبڕاو دەبن و نە دووچاری دەركردن دەبنەوە.
