لە هەولێر 5 کەس دەستگیرکران کە لە سلێمانییەوە دوو ئۆتۆمبیلیان بەفێڵ بردبوو

بەڕێوەبەرایەتی پۆلیسی هەولێر ئاشكرایکرد، پێنج کەسیان دەستگیرکردووە، کە سێ کەسیان چەکدار بوون و دوو ئۆتۆمبیلیان لە سلێمانییەوە بە فێڵ بردووەتە هەولێر.

لەسەر دەستگیرکردنی ئەو کەسانە پۆلیسی هەولێر ڕایگەیاندووە، ” بەڕێوەبەرایەتیی پۆلیسی پارێزگای سلێمانی نووسراوێكی فەرمیی ئاراستەی بەڕێوەبەرایەتیی پۆلیسی پارێزگای هەولێر كرد، كە دوو ئۆتۆمبێل بە فڕوفێل بردراون و هێنراونەتە پارێزگای هەولێر، دەستبەجێ نووسینگەی نەهێشتنی تاوانی دزینی ئۆتۆمبێل، دەستیان بە لێكۆڵینەوە كرد و توانییان دەست بەسەر هەردوو ئۆتۆمبێلەكەدا بگرن و هەروەها بە تۆمەتی فڕوفێل ، پێنج تۆمەتباریان دەستگیر كرد، كە سێ لەو تۆمەتبارانە چەكدار بوو”.

پۆلیس ئاماژە بەوەدەکات، دەستگیرکراوان پەڕاوی لێكۆڵینەوەیان بۆ رێكخراوە و بەپێی مادەی 456 تۆمەتبارەکان راگیراون و ئۆتۆمبێلەكانیش رادەستی بەڕێوەبەرایەتیی پۆلیسی پارێزگای سلێمانی دەكرێنەوە، تا بدرێنەوە بە خاوەنەكانیان.

بابەتی پێشتر

ڕۆژنامەنووسێکی ئاژانسی ڕۆیتەرز لە ئەفغانستان کوژرا

بابەتی دواتر

قوباد تاڵەبانی: سزای گەندەڵکاران دەدەین و پاڵپشتی کەسانی دڵسۆزین

بابەتی پەیوەندیدار
Total
10
Share