لە ڕووداوێکی هاتوچۆدا لەسەر ڕێگای کەرکوک – سلێمانی سێ کەس گیانیان لەدەستدا و چواری دیکە برینداربوون.
پەیامنێری تۆڕی میدیایی ئێستا لە کەرکوک ڕایگەیاند، بەیانی ئەمڕۆ ڕووداوێک لە جۆری وەرگەڕان لەنزیک گوندی چیمەن لەسەر ڕێگای کەرکوک – سلێمانی ڕوویداوە و حەوت قوربانی لێکەوتووەتەوە.
ڕووداوەکە بەهۆی وەرگەڕانی ئۆتۆمبێلێکی جۆری (تۆیۆتا یارس) بووە، کە بەهۆی تیژڕەوی کۆنترۆڵی لەدەستداوە و سێ کەس لە ڕووداوەکەدا گیانیان لەدەستداوە کە یەکێکیان منداڵە، چواری دیکەش برینداربوون.
