حكومەتی هەرێم لەسەر بوونی بارەگای هەواڵگریی ئیسرائیل لە هەولێر ڕوونكردنەوە دەدات

فەرمانگەی میدیا و زانیاریی حكومەتی هەرێمی كوردستان، لەبارەی بوونی بارەگایەكی دەزگای هەواڵگری ئیسرائیل لە هەولێر، ڕوونكردنەوە دەدات و دەڵێت، هیچ بنكە و بارەگایەكی ئیسرائیلی لە كوردستان بوونی نییە.

فەرمانگەی میدیا و زانیاریی حكومەتی هەرێم لە ڕوونكردنەوەیەكدا لەبارەی هەواڵی ڕۆژنامەیەكی ئێرانی كە باسیلەوەكردبوو، بارەگای دەزگای هەواڵگریی لەهەولێرهەیە،  ئاماژەی بەوەكردووە، “بڵاوكردنەوەی ئەو جۆرە هەواڵە بێ بنەمایانە ڕەتدەكەینەوە و ڕایدەگەیەنینەوە كە ئەو هەواڵە ڕاست نییە و هیچ بنكە و بارەگایەكی ئیسرائیلی لە كوردستان بوونی نییە”.

فەرمانگەی میدیا و زانیاری هەرێم پێشیوایە، ئامانج لە بڵاوكردنەوەی ئەو جۆرە هەواڵانە، “دروستكردنی رق و ناكۆكییە بەرامبەر بە هەرێمی كوردستان”.

هەروەها داواشی لە دەسەڵاتدارانی ئێران كردووە، ڕێگە لە بڵاوكردنەوەی ئەو جۆرە “چەواشەكارییانە” بگرن، كە خزمەت بە پەیوەندییەكانی هەردوولا ناكات.

بابەتی پێشتر

لە پارێزگایەكی دیكەی عێراق بەهۆی بەرزبوونەوەی پلەكانی گەرماوە سبەی كرایە پشوو

بابەتی دواتر

لە ناوچەی سەدری بەغداد تەقینەوەیەك ڕوویدا

بابەتی پەیوەندیدار
Total
2
Share