حكومەتی هەرێمی كوردستان لەبارەی ڕوداوەكەی بەغداد هاتەدەنگ

حكومەتی هەرێمی كوردستان بە توندی سوتاندنی ئاڵای كوردستان و هێرشی سەر بارەگای پارتی لە بەغداد شەرمەزار دەكات.

 

حكومەتی هەرێم ئەمڕۆ شەممە 17ی تشرینی یەكەم لە ڕاگەیەنراوێكدا دەڵێت، حكومەتی هەرێمی كوردستان بە توندی سوتاندنی ئاڵای كوردستان و هێرشی سەر بارەگای پارتی دیموکراتی کوردستان لە بەغدا شەرمەزار دەكات.

دەشڵێت، “بە مافی خۆی دەزانێت هەموو رێوشوێنێكی یاسایی و ڕێگەپێدراو بۆ پاراستنی هاوڵاتییان و دەستكەوتەكانی و ڕێزگرتن لە ئاڵای كوردستان  بگرێتەبەر”.

ڕاگەیەنراوەكە دوای ئەوە دێت ئەمڕۆ ژمارەیەك لە لایەنگرانی حەشدی شەعبی چونە سەر بارەگای لقی پێنجی پارتی لە بەغداد و سوتاندیان.

هەر ئەمڕۆ مەسرور بارزانی، سەرۆكی حكومەتی هەرێمی كوردستان لە پەیوەندییەكی تەلەفۆنیدا لەگەڵ مستەفا كازمی، سەرۆكوەزیرانی عێراق داوای لێكردووە “لیژنەی تایبەتمەند لێكۆڵینەوەی خێرا ئەنجامبدەن و ڕێوشوێنی یاسایی دژ بە ئەنجامدەرانی ئەو تاوانە بگیرێتەبەر”.

دەقی ڕاگەیەنراوەكە:

راگەیاندراوێک لە حكومەتی هەرێمی كوردستان

حكومەتی هەرێمی كوردستان بە توندی سووتاندنی ئاڵای كوردستان و هێرشی سەر بارەگای پارتی دیموکراتی کوردستان لە بەغدا شەرمەزار دەكات.

هەر جۆرە هێرش و دەستدرێژییەك لە لایەن هەر كەس و گرووپێكەوە بۆ سەر سیمبۆلەكانی هەرێمی كوردستان و حزبە سیاسییەكانی جێگەی قبووڵكردن نییە.

پێویستە حكومەتی فیدراڵ رێوشوێنی پێویست بۆ پاراستنی بارەگای حزبەكان و نوێنەرایەتیی وڵاتانی بیانی لە بەغدا وهەر شارێکی دیکە لە هێرشی هەر گرۆپێکی لە یاسا دەرچوو بگرێتەبەر.

حكومەتی هەرێمی كوردستان بە مافی خۆی دەزانێت هەموو رێوشوێنێكی یاسایی و رێگەپێدراو بۆ پاراستنی هاووڵاتییان و دەستكەوتەكانی و رێزگرتن لە ئاڵای كوردستان بگرێتەبەر.

داوا لە حكومەتی فیدراڵ دەكەین، رێوشوێنی یاسای لەبەربگرێت وهێرشکاران بە سزای خۆیان بگەێنن تا ئەم جۆرە کردەوە دزێوانە دووبارە نەبنەوە.

حكومەتی هەرێمی كوردستان
2020/10/17

بابەتی پێشتر

بۆ تێپەڕبوونی هەر فڕۆكەیەك بە ئاسمانی عێراقدا 450 دۆلار وەردەگیرێت

بابەتی دواتر

كارمەندانی كارەبای سلێمانی دژی بەتایبەت كردنی كەرتی كارەبان

بابەتی پەیوەندیدار
زیاتر ببینە

پۆلیسی سلێمانی دەستگیركردنی تۆمەتبارێك ڕادەگەیەنێت

به‌تۆمه‌تی‌ دزینی‌ چه‌ندین كه‌لوپه‌لی‌ بیناسازیی‌و كاره‌بایی، هێزه‌كانی‌ پۆلیسی‌ پارێزگای‌ سلێمانی‌ تۆمه‌تبارێكیان ده‌ستگیركرد. بەڕێوبەرایەتی پۆلیسی پارێزگای سلێمانی ئەمڕۆ یەكشەممە…
Total
0
Share