نرخی نەوت دوای چەند ڕۆژێك لە بەرزبوونەوەی، جارێكی دیكە دابەزی و ئەمڕۆ نرخی یەك بەرمیل نەوتی برێنت بە 74.33 مامەڵەی پێوەكرا.
بەیانی ئەمڕۆ سێشەممە، لەگەڵ كردنەوەی بازاڕەكانی نەوتدا، نرخی یەك بەرمیل نەوتی برێنت بە ڕێژەی 0.47% دابەزی و بە 74.33 دۆلار مامەڵەی پێوەكرا.
هاوكات نرخی بەرمیلێک نەوتی خاوی تەکساس بە ڕێژەی 0.42% دابەزی و بە 72.60 دۆلار مامەڵەی پێوەكرا.
پێشتر پێشبینییە ئەرێنییەکانی چاودێرانی بازاڕی نەوت بۆ بەرزبوونەوەی خواست لەسەر وزە و بەردەوامیی جموجوڵەکان، هۆکاری سەرەکیی بەرزبوونەوەی نرخی نەوت بوون، هەروەها ڕێکارەکانی ئۆپیک پڵەسیش بۆ بەردەوامبوون لەسەر پلانی بەرهەمهێنانی سنوورداركراو یەکێکی دیکەی پاڵپشتییەکانی بازاڕی نەوتە، بۆیە نەوت لە چەند ڕۆژی ڕابردوو 76 دۆلاری تێپەڕاند، بەڵام بەگشتی لەم هەفتەیەدا كەمێك دابەزینی بەخۆیەوە بینی.
