هەڵەبجە.. لە شەڕی نێوان دوو گەنجدا یەكێكیان كوژرا

قوربانییەكە

بەهۆی دروستبوونی شەڕ و دەمەقاڵە لەنێوان دوو گەنجدا لە هەڵەبجە، یەكێكیان بە چەقۆ كوژرا.

موقەدەم بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە ڕایگەیاند، ئێوارەی ئەمڕۆ گەنجێک بەناوی (م.ك.ك.) تەمەن 23 ساڵ كە پیشەی كاسبە و دانیشتووی گەڕەکی شارەوانیی هەڵەبجە، بەهۆی شەڕ و دەمەقاڵەكردنەوە لەلایەن كەسێكی دیكە بەناوی (ڕ.ع.ت.) تەمەن 28 ساڵ بە چەقۆ كوژرا.

وتیشی، دوای ڕووداوەكە تەرمی قوربانییەكە ڕەوانەی پزیشكی دادی هەڵەبجە كرا و تۆمەتباریش بەپێی ماددەی 405 بەندكراوە و لەلایەن پۆلیسەوە لێكۆڵینەوە لە ڕووداوەكە دەستیپێكردووە.

بابەتی پێشتر

بافڵ تاڵەبانی: باوەڕی نەگۆڕمان بە سازان و گفتوگۆ ھەیە

بابەتی دواتر

بنكەی ئاسمانیی بەلەد ڕوبەڕووی هێرشێكی موشەكی بووەوە

بابەتی پەیوەندیدار
Total
1
Share