خانەقین.. سوپای عێراق و حەشدی شەعبی كەوتنە بۆسەیەكی داعشەوە و قوربانییان هەیە

هێزە هاوبەشەكە كەوتووەتە بۆسەیەكی داعشەوە

لەمیانەی ئۆپراسیۆنێكی هێزە عێراقییەكاندا لە گوندەكانی دەوروبەری خانەقین، بۆسەیەكی چەكدارانی داعش ژمارەیەك قوربانیی لێكەوتەوە.

بەیانی ئەمڕۆ دووشەممە هێزەكانی سوپای عێراق و چەكدارانی حەشدی شەعبی ئۆپراسیۆنێكی سەربازییان لە گوندەكانی مێخاس و شەفیق لە نزیك خانەقین ئەنجامدا.

ئازاد محەمەد، بەرپرسی كۆمیتەی خانەقینی یەكێتیی نیشتمانیی كوردستان بە تۆڕی میدیایی ئێستای وت، بەشێك لە هێزەكە كەوتووەتە بۆسەیەكی چەكدارانی داعشەوە و بەهۆیەوە چەكدارێكی هێزە هاوبەشەكە كوژراوە و سیانی دیكەشیان برینداربوون.

وتیشی، “دواتر شەڕ و ڕوبەڕوبوونەوە لە نێوان هێزە عێراقییەكان و پاشماوەی چەكدارانی داعش دەستیپێكردووە”.

بابەتی پێشتر

وەزارەتی ناوخۆی عێراق: لە هەرێم تۆمەتبارێكی بازرگانیکردن بە مرۆڤەوە دەستگیركرا

بابەتی دواتر

دۆسیەی بڕیاری سزای چالاكوانانی بادینان گەڕێندرایەوە دادگای پێداچوونەوە

بابەتی پەیوەندیدار
Total
1
Share