سەرچاوەیەك لە وەزارەتی دارایی و ئابوریی هەرێم ئاشكرایكرد، هەفتەی داهاتوو موچەی سەرجەم وەزارەتەكان دابەشدەكەن و گرفتی نەبوونی پارەی پێویست چارەسەركراوە.
سەرچاوەكەی وەزارەتی دارایی بەتۆڕی میدیایی ئێستای ڕاگەیاند، “گرفتی نەبوونی پارەی پێویست بۆ دابەشكردنی موچە چارەسەركراوە، هەفتەی داهاتوو بەلێبڕینی 21% موچەی سەرجەم وەزارەتەكان دابەشدەكەن”.
هاوكات حەسەن ڕەشید، بەڕێوەبەری گەنجینەی 1ی سلێمانی بەتۆڕی میدیایی ئێستای وت، لیستی موچەی تەواوی وەزارەتەكانیان ئامادەكردووە و چاوەڕێن وەزارەتی دارایی ئاڕاستەیان بكات بۆ دابەشكردنی، بەڵام “تائێستا وەزارەتی دارایی بە هیچ نوسراوێكی فەرمی ئاگادارینەكردوینەتەوە”.
