بەڕێوەبەرایەتیی هاتوچۆی هەولێر ئاگادارکردنەوەیەکی ئاڕاستەی شۆفێرانی تاکسی لە پارێزگاکە کردووە و داوادەکات سەردانیان بکەن بۆ پێدانی لۆگۆ و لەزگەی تایبەت و دەڵێت، “هەر شۆفێرێک پابەندنەبێت دەستدەگیرێت بەسەر تاکسییەکەیدا”.
فازڵ حاجی وتەبێژی بەڕێوەبەرایەتیی هاتوچۆی هەولێر ڕایگەیاندووە، “بەمەبەستی لێدانی لۆگۆ و لەزگە و دروستکردنی کارتی زانیاریی تاکسی ئاگادارتان دەکەینەوە سەردانی بەڕێوەبەرایەتیی گواستنەوەی هەولێر بکەن”.
وتەبێژی هاتوچۆی هەولێر دەڵێت، دوایین مۆڵەت بۆ تەواوکردنی ڕێکارەکانی پەیوەست بەو بابەتە 2021/8/1 دەبێت.
بەپێی ڕاگەیەندراوەکەی هاتوچۆی هەولێر، لەدوای ئەو بەروارەوە هەر شۆفێرێکی تاکسی پابەندنەبێت دەستبەسەر تاکسییەکەیدا دەگیرێت.
