لە جەول عزەدینی سەربە ناحیەی زینانە، شەوی پێنج شەممەی ڕابردوو چوار هاوڵاتیی کورد لەلایەن هێزەکانی سوپای عێراقەوە دەستگیرکراون و تائێستا ئازادنەکراون.
ڕەشید محەمەد کە باوکی یەکێک لە دەستگیرکراوەکانە بە تۆڕی میدیایی ئێستای وت، “ئەوانەی دەستگیرکراون یەکێکیان کوڕمە و دووان لەوانیش برازامن شەوی پێنج شەممە ئەوان لەکاتێکدا سەرقاڵی ڕاوکردن بوون دەستگیرکران”.
ڕەشید محەمەد دەڵێت، “گەنجەکانمان لەلایەن هێزەکانی فیرقەی 5ی سوپای عێراقەوە سەرەتا تەقەیان لێکراوە و دواتر دەستگیرکراون”.
ئاماژەی بەوەشکردووە تاوەکو ئێستا هیچ زانیارییەکمان لەبارەیانەوە نییە و ئازادنەکراون.
