ئاژانسە هەواڵییەکانی ئێران ئاشکرایان کردووە، ئێران و ئەمریکا لەسەر گۆڕینەوەی چەند زیندانییەک و ئازادکردنی چەند ملیار دۆلارێکی ئێران ڕێککەوتوون.
بەپێی زانیاریی میدیاکان، ئێران و ئەمریکا 4 زیندانی یەکدی ئاڵوگۆڕ دەکەن (ئازاد دەکەن) کە ئەمریکییەکان لە ئێران بە تۆمەتی “سیخوڕی” دەستگیرکراون و ئێرانییەکانیش بە تۆمەتی “شکاندنی بەندەکانی سزاکانی سەر ئێران” دەستگیرکراون.
لەگەڵ ئەمانەشدا میدیاکانی ئێران ڕایانگەیاندووە، “ئەمریکا ڕەزامەندیداوە لەسەر ئازادکردنی 7 ملیار دۆلاری بلۆککراوی ئێران لەلایەن ئەو وڵاتەوە”.
ئەوەی لەسەر ڕێککەوتن و نزیکبوونەوەی ئێران و ئەمریکا ئاشکراکراوە تەنها لەم دوو بەندەدایە و پێشتریش ئێران ئاشکرایکردبوو، کە لەسەر بەرنامە ئەتۆمییەکەی بەرەوپێشچوون لە دانوستانەکاندا بەدیکراوە.
