ژنێک مێردەکەی سوتاند دوای ئەوەی زانی ژنی دووەمی هێناوە

ژنێک لە شاری ناسریەی پارێزگای زیقار ئاگری لە مێردەکەی بەردا لەکاتێکدا لە ژوورەکەیدا نوستبوو، ئەمەش دوای ئەوەی زانی کە مێردەکەی هاوسەرگیریی دووەمی کردووە.

میدیا عێراقییەکان بڵاویانکردەوە، ئەو ژنە کاتی نوستنی مێردەکەی بە دەرفەت زانیوە و نەوتی کردووە بە ژووری نوستنەکەدا و ئاگری تێبەرداوە و دەرگەکەی لەسەر قوفڵ کردووە بۆئەوەی لەکاتی خەبەربوونەوەیدا هەوڵی دەربازبوون و هەڵهاتن لە ژوورەکە نەدات.

دوای ئەوەی دراوسێکانی ئەو ماڵە ئاگرەکەیان بینیوە و بەهانایەوەچوون و ئاگرکوژێنەوەیان ئاگادارکردووەتەوە، مێردی ژنەکە لەناو ئاگرەکە هێنراوەتە دەرەوە و ڕێژەی سوتاوییەکەی زیاترە %60.

بەپێی سەرچاوە عێراقییەکان ژنەکە دوای ئەو ڕوداوە بۆ شوێنێکی نادیار هەڵهاتووە و دادگاش بڕیاری دەستگیرکردنی بۆ دەرکردووە بەپێی یاسای سزادانی عێراقی مادەی ژمارە 111 بەتاوانی کوشتن یان هەوڵدان بۆ کوشتن.

بابەتی پێشتر

ژمارەی توشبوون و گیانلەدەستدان کەمبووەتەوە

بابەتی دواتر

وەزارەتی پەروەردە کردنەدەرەوەی خوێندنی هەرێمی کوردستان لە ڕیزبەندییە جیهانییەکان ڕەتدەکاتەوە

بابەتی پەیوەندیدار
Total
129
Share