لیژنەی ڕوبەڕوبوونەوەی ڤایرۆسی کۆرۆنا چەند بڕیارێکی دەرکرد و بەپێی یەکێک لە بڕیارەکان، حکومەتی هەرێم دوای خوێندنەوەی دۆخی کۆرۆنا و دوای جەژنی ڕەمەزان بڕیاری کردنەوەی دەرگای خوێندنگەکان و پەیمانگاکانی سەربە وەزارەتی پەروەردە دەدات.
بەپێی ئەو بڕیارەی کە لیژنەکە دەریکردووە و وەزارەتی ناوخۆی هەرێم بڵاویکردووەتەوە جەژنی ڕەمەزان قەدەغەی هاتوچۆ دەبێت لە تەواوی شار و شارۆچکەکانی هەرێم و لە کاتژمێر 12:00 شەوی کۆتا شەوی ڕەمەزان، تا کاتژمێر 12:00 ی سێیەم ڕۆژی جەژن قەدەغەی هاتوچۆ دەبێت.
لیژنەی ڕوبەڕوبوونەوەی ڤایرۆسی کۆرۆنا، ڕاشیگەیاندووە، کە گەشتی وڵاتی هیندستان بۆ هاوڵاتییانی عێراقی قەدەغەکراوە و ئەوانەشی 10 ڕۆژ پێش ئێستا سەردانی هیندستانیان کردووە دوای هاتنەوەیان بۆ هەرێم کەرەنتینە دەکرێت، بەپێی ئەو بڕیارانەی کە وەزارەتی تەندروستیی هەرێم دەریکردووە پێشتر”.
