پاشماوەی چەكدارانی داعش هێرشیان كردەسەر گوندێكی سەر بە قەزای خانەقین و بەهۆیەوە دوو دانیشتووی گوندەكە برینداربوون.
عەمید نەبیل محەمەد، فەرماندەی پێشمەرگە لە میحوەری گەرمەسێر بە تۆڕی میدیایی ئێستای وت، ئەمشەو چەكدارانی داعش هێرشێكیان بۆ سەر گوندی کریم داود ئەنجامدا و لە ئاکامدا دوو کەس برینداربوون.
وتیشی، “لەئێستا شەڕ لەناو گوندەکەدا نەماوە، بریندارەكانیش بۆ چارەسەری برینەکەیان ڕەوانە نەخۆشخانەی خانەقین کراون”.
شەوی ڕابردووش لەلایەن ژمارەیەك چەكداری داعشەوە موختای گوندێكی ناوچەكە كوژرا.
