سەرۆکوەزیرانی عێراق لەبارەی ڕوداوی ئاگرکەوتنەوەکە لە نەخۆشخانەی ئیبن خەتیب، ڕایگەیاند، دەستیان کردووە بە دەستنیشانکردنی ئەو کەسانەی لەو ڕوداوەدا کەمتەرخەمبوون.
مستەفا کازمی، سەرۆکوەزیرانی عێراق لە تویتێکدا نوسیویەتی، ” لەساتی كارەساتەكەی نەخۆشانەی ئیبن خەتیبەوە، زنجیرەیەك كۆبوونەوەمان دەستپێكردووە بۆ دیاریكردنی كەمتەرخەمەكان و لێپێچینەوە لەگەڵیان لەگەڵ چاودێریكردنی كەسوكاری قوربانییەكان”.
کازمی ڕاشیگەیاندووە “داوا لەهەموولایەك دەكەین هەماهەنگ بن و پێكەوە سیاسەتی موزایەدەكردن بە كارەساتە نیشتمانییەكان ڕەتبكەنەوە”.
لەساتی كارەساتەكەی نەخۆشانەی ئیبن خەتیبەوە، زنجیرەیەك كۆبوونەوەمان دەستپێكردووە بۆ دیاریكردنی كەمتەرخەمەكان و لێپێچینەوە لەگەڵیان لەگەڵ چاودێریكردنی كەسوكاری قوربانییەكان، داوا لەهەموولایەك دەكەین هەماهەنگ بن و پێكەوە سیاسەتی موزایەدەكردن بە كارەساتە نیشتمانییەكان ڕەتبكەنەوە.
— Mustafa Al-Kadhimi مصطفى الكاظمي (@MAKadhimi) April 25, 2021
دوای ڕوداوی ئاگرەكەی نەخۆشخانەی ئیبن خەتیب لە بەغداد، كازمی وەزیری تەندروستیی عێراق و ژمارەیەك كاربەدەستی دیكەی لە پۆستەكانیان دوورخستەوە.
ئەنجومەنی وەزیرانی عێراق دوای ئاگرەکەی نەخۆشخانەی ئیبن خەتیب کۆبووەوە و بڕیاری لێکۆڵینەوەی لە ڕووداوەکەدا و لیژنەیەکیش بۆ ئەو مەبەستە پێکهێنراوە.
هاوکات وتەبێژی وەزارەتی ناوخۆی عێراق ڕایگەیاندووە، بەهۆی ڕووداوی ئاگركەوتنەكە، 82 كەس گیانیان لەدەستداوە و زیاتر لە 100 كەسی دیكەش برینداربوون.
