بەڕێوبەرایەتی پۆلیسی ڕاپەڕین ڕایگەیاند، شەش کەس بە تۆمەتی کوشتنی پۆلیسێکی دارستان ڕاگیراون، ئەوەش دوای ئەوەی خۆیان ڕادەستی هێزەکانی پۆلیس کرد.
شۆڕش ئیسماعیل، وتەبێژی پۆلیسی ڕاپەڕین بە تۆڕی میدیایی ئێستای ڕاگەیاند، ” لەسەر ڕووداوەکەی دوێنێی ناحیەی چوارقوڕنە کە هاوڵاتییەک درایە بەر دەستڕێژی گولـلـە شەش کەس خۆیان ڕادەستی هێزەکانمان کرد و بە ماددەی 406 سەرجەمیان ڕاگیرکران”.
ئەو کەسەی کە دوێنێ بە دەستڕێژی گولـلە کوژرا، پیشەی پۆلیسی دارستان و ژینگەی ڕاپەڕین بوو، بە وتەی خێزانی کوژراوەکە ئێوارەی دوێنێ 16 ی نسیان، پێش خۆرئاوابوون لە نزیک ماڵەکەی خۆیان لە کۆڵێن سیتی لە ناحیەی چوارقوڕنە لەلایەن چەند کەسێکەوە دەسڕێژی گولـلەی لێکرا و بەوهۆیەوە گیانی لەدەستداوە.
پۆلیسەکە ناوی (آ،م،ب) بووە و تەمەنی تەمەنی 34 ساڵ بووە و خێزاندار بووە، بە وتەی پۆلیس کاتێک چونەتە شوێنی ڕوداوەکە قەوانی جۆری جیاوازی چەک دۆزراوەتەوە و ئەوەش نیشانەی ئەوەیە کە زیاد لە یەک کەس تەقەی لێکردووە.
