سریلانكا 11 ڕێكخراوی ئیسلامی قەدەغە دەكات

دوو ژنی باڵاپۆش لە كۆلۆمبۆ-ی پایتەختی سریلانكا فۆتۆ: AFP

سریلانكا بڕیاریدا لەسەر قەدەغەكردنی 11 ڕێكخراوی ئیسلامی كە لە نێوانیاندا هەریەك لە ڕێكخراوی دەوڵەتی ئیسلامی و قاعیدە هەیە.

بڕیارەكە هەفتەیەك بەر لە دووەمین ساڵیادی هێرشە خۆكوژییەكە دێت كە لەو وڵاتە ڕویدا و بووە هۆی كوژرانی 279 كەس.

گۆتابایا راجاباكسا، سەرۆكی سریلانكا لە مەرسومێكی كۆماریدا كە ئەمڕۆ چوارشەممە 14ی نیسان لە ڕۆژنامەی فەرمیدا بڵاوكرایەوە دەڵێت، هەر كەسێك پەیوەندی بەو ڕێكخراو و گروپانەوە هەبێت ڕوبەڕووی سزای زیندانیكردن تا 20 ساڵ دەبێتەوە.

بەر لە ساڵیادەكە، كاسۆلیكی وڵاتەكە هەڕەشەی ئەنجامدانی خۆپیشاندانیان كرد بەهۆی شكستی حكومەت لە گرتنەبەری ڕێوشوێن دژ بە بەرپرسانی هێرشەكان.

بەشێك لەو ڕێكخراوانەی بڕیارەكەیان دەرهەق دەركراوە پێشتر پەیوەندیداربوون بە بەرپرسی سەرەكی تەقینەوەكان.

راجاباكسا وتی، ئەم هەنگاوە كە بەپێی یاسای دژەتیرۆر گیرایەبەر، هەوڵەكانی حكومەت پەرەپێدەدات لە بڵاوكردنەوەی ئاشتی لە وڵاتدا.

لە نیسانی 2019 حەوت هاوڵاتی سریلانكایی هێرشیان كردەسەر سێ كڵێسا و سێ هۆتێل و بەر لە هێرشەكەش پشتیوانی خۆیان بۆ ئەبوبەكر بەغدادی، سەركردەی ئەوكاتی داعش ڕایگەیاند.

س: مۆنت كارلۆ

بابەتی پێشتر

وڵاتێكی ئەوروپی بەكارهێنانی ڤاكسینی ئەسترازینیكای بەتەواوی ڕاگرت

بابەتی دواتر

كۆمسیۆن: سبەی دوایین وادەی نوێكردنەوەی تۆماری دەنگدەرانە

بابەتی پەیوەندیدار
زیاتر ببینە

ئێران: لە ئەمریكا نائومێدبووین

وەزیری دەرەوەی ئێران لە توركیاوە ناڕەزایی وڵاتەكەی بەرانبەر بە فشار و داواكارییەكانی ئەمریكا دەربڕی و ڕایگەیاند، لە گەڕانەوەی…
Total
1
Share