فەتح: وڵاتانی كەنداو و ئیسرائیل پیلانگێڕیی گەورە دژ بە حەشد دەكەن

ئەندامێكی هاوپەیمانیی فەتح لە پەرلەمانی عێراق دەڵێت، “حەشدی شەعبی ڕوبەڕووی پیلانگێڕییەكی گەورە بووەتە كە وڵاتانی كەنداو و ئیسرائیل پشتیوانی دەكەن.”

محەمەد عەبدلكەریم، ئەندامی هاوپەیمانیی فەتح لە پەرلەمانی عێراق كە هادی عامری سەرۆكی پێشووی دەستەی حەشدی شەعبی سەرۆكایەتی دەكات و چەندین گرووپی حەشد لەخۆدەگرێت، ئەمڕۆ هەینی 9ی تشرینی یەكەم لە لێدوانێكی ڕۆژنامەوانییدا ڕایگەیاند، “ئەو پیلانەی وڵاتانی كەنداو و قەوارەی زایۆنی، ئامانجی لاوازكردنی حەشدی شەعبییە.”
پەرلەمانتارەكەی هاوپەیمانیی فەتح لە پەرلەمانی عێراق وتیشی، “حەشدی شەعبی سەرباری ئەوەی خوێن و قوربانی داوە لەپێناو ڕزگاركردنی خاك لە تیرۆریستانی داعش، ڕوبەڕووی ستەم دەبێتەوە.”
ڕوونیشیكردەوە كە “پەرلەمان دەنگی دابوو بۆ گەڕاندنەوەی ئەو كارمەندانەی سوپا و پۆلیس و حەشد كە گرێبەستەكانیان هەڵوەشێندرابوونەوە، كەچی حكومەت كارمەندانی پۆلیس و سوپای گەڕاندووەتەوە و تەنها چەكدارانی حەشد نەگەڕێندراونەتەوە بۆ سەر كارەكانیان.”
كۆتایی ساڵی ڕابردوو، لە ئەنجامی خۆپیشاندانەكانی عێراق دا، حكومەت و پەرلەمان بڕیاریاندا زیاتر لە 300 هەزار چەكدار و كارمەندی هێزە ئەمنی و سەربازییەكان بگەڕێندرێنەوە بۆ سەر كارەكانیان.
بابەتی پێشتر

سێ پێکدادانی چەکداری لە ڕۆژهەڵاتی کوردستان ڕویانداوە

بابەتی دواتر

دوایین بۆچوونەكان سەبارەت بە بازنەكانی هەڵبژاردن

بابەتی پەیوەندیدار
زیاتر ببینە

ئامارەكانی بەكارهێنان و بازرگانیكردن بە ماددەی هۆشبەرەوە لە عێراق مەترسیدارن

پرسی بەکارهێنانی ماددە هۆشبەرەکان لەعێراقدا مشتومڕی بەردەوامی لەسەرە، لێدوانە ‏فەرمییەكان لەوبارەیەوە باسلەوەدەکەن، ڕێژەی بەکارهێنانی ماددە هۆشبەرەکان لەناو ‏گەنجان…
Total
0
Share