ژمارەیەك موشەك ئاڕاستەی میحوەرێكی پێشمەرگە كران لە نزیك پردێ لە سنووری پارێزگای كەركوك.
فەرماندەیەكی پێشمەرگە بە تۆڕی میدیایی ئێستای ڕاگەیاند، “موشەكەكان ژمارەیان دوو موشەك بووە و ئاڕاستەی سەنگەرێكی پێشمەرگە كراون لە میحوەری پردێ لە سنووری كەركوك”.
ئەوەشی خستەڕوو، هەردوو موشەكەكە لە نزیك گوندی “چۆمەزەردە” لە نزیك سەنگەرێكی پیشمەرگە كەوتوونەتە خوارەوە و زیانی بەدوادا نەهاتووە.
تا ئێستاش نازاندرێت لە چ جێگایەكەوە ئەو موشەكانە ئاڕاستەی هێزەكانی پێشمەرگە كراون.
