نرخی نەوتی خاو دابەزینی زیاتری بەخۆیەوە بینی، خاوی برێنت گەیشتووەتە نزیكەی 64 دۆلار، ڕێوشوێنەكانی ئەوروپاش بەهۆی كۆرۆناوە بە هۆكاری دۆخەكە دادەنرێت.
ئەمڕۆ دووشەممە 22ی ئازار، لەكاتی بڵاوكردنەوەی ئەم هەواڵە نرخی یەك بەرمیل نەوتی خاوی برێنت بەرامبەرە بە 64 دۆلار و 20 سەنت.
هەروەها نەوتی خاوی ڕۆژئاوای تەكساس (ئەمریكا) یەك بەرمیلی بەرامبەرە بە 61 دۆلار و 21 سەنت.
بەگوێرەی داتا جیهانییەكانی نەوت، 9 ڕۆژی لەسەر یەكە، بەهای نەوتی خاو ڕوو لە دابەزینە.
بەپێی ئاژانسەكان دابەزینەكەی نرخی زێڕی ڕەش بەهۆی ترس لە كەمبوونەوەی خواستی جیهانییە لەسەر نەوت لەپاش زیادبوونی ڕێوشوێنەكانی كەرەنتین لە وڵاتانی ئەوروپا بەهۆی زیادبوونی ژمارەی توشبووانەوە.
