سەرۆکی لیژنەی پەروەردەو خوێندنی باڵا و توێژینەوەی زانستی لە پەرلەمانی کوردستان ئاشکرایکرد لەگەڵ وەزیری پەروەردە گفتوگۆیان کردووە و چەند بڕیارێکیان لە بەرژەوەندی خوێندکارانی پۆلی 12 دەرکردووە.
عبدالسلام دۆلەمەری، سەرۆکی لیژنەی پەروەردەو خوێندنی باڵا و توێژینەوەی زانستی ڕایگەیاندووە، لە چەند ڕۆژی ڕابردوودا بەردەوام لە پەیوەندیدا بووین لەگەڵ بەڕێز وەزیری پەروەردە ، بەسوپاسەوە ژمارەیەک بریاری گرنگیان داوە لە بەرژەوەندی قوتابیان وەک :
1-لە ھەفتەیەکدا تەنھا دوو تاقیکردنەوە ئەنجام دەدرێن.
2-لیژنەیەکی پسپۆڕ و شارەزا پێکھاتووە بۆ کەمکردنەوەی پڕۆگرام ( منھج) ، وەک پێشتریش ڕایانگەیاندبوو مەنهەج بە گوێرەی ڕۆژەکانی خوێندنی وەرزی دووەم دیاری دەکەن و پێش دەستپێکی خوێندنی وەرزی دووەم ئەوبابەت و بەندانەی پێویست نین ڕایدەگەیەنن .
3- بۆ تاقیکردنەوەی وەرزی یەکەم 13ڕۆژ مۆڵەتی دیکە دراوە بە قوتابیان.
4- داوامان لە وەزارەتی پەروەردە کردووە کەوا تاقیکردنەوەی وەرزی دووەم لە 19 ی 6 پێشبخەن بەجۆرێک 40 ڕۆژ لەبەردەم قوتابیان بێت بۆ باشتر خۆئامادەکردن بۆ تاقیکردنەوەی وزاری.
