لە پارێزگای نەجەف خۆپیشاندان دەستیپێكرد، بەهۆی گازی فرمێسكڕێژەوە ژمارەیەك خۆپیشاندەر بریندار بوون.
ئەمڕۆ شەممە 13ی ئازار، دەیان كەس خۆپیشاندانیان ئەنجامدا و لە بەردەم بینای پارێزگا گردبوونەوە و داوایانكرد، پارێزگار لە كار دووربخرێتەوە.
میدیا عێراقییەكان ئاشكرایانكردووە، خۆپیشاندەران ئاگریان لە تایە بەرداوە و ڕێگایان داخستووە، دواتر هێزە ئەمنییەكان هەوڵی بڵاوەپێكردنی خۆپیشاندەرانیان داوە.
لەكاتی دوورخستنەوەی خۆپیشاندار بەهۆی بۆمبی فرمێسكڕێژەوە دەیان خۆپیشاندەر برینداربوون.
تا بڵاوكردنەوەی ئەم هەواڵە، خۆپیشاندانی ئەو پارێزگایە بەردەوامە.
