لە نەخۆشخانەیەکی ئەهلی 116 هەزار دۆلار تەنها لە 33 نەخۆش وەرگیراوە

وتەبێژی وەزارەتی تەندروستیی هەرێم ڕایگەیاند، هەر کەسێک پارەی زیادەی لە نەخۆشخانە ئەهلییەکاندا لێوەرگیرابێت پارەکەی بۆ دەگەڕێندرێتەوە، چونکە دەرکەوتووە لە نەخۆشخانەیەکی ئەهلی 116 هەزار دۆلار تەنها لە 33 نەخۆش وەرگیراوە

ئاسۆ حەوێزی، وتەبێژی وەزارەتی تەندروستیی هەرێم لە ڕاگەیەندراوێکدا کە وێنەیەکی دەست تۆڕی میدیایی ئێستا کەوتووە دەڵێت، ” لیژنەیەکی لێکۆڵینەوە لە وەزارەتی تەندروستی پێکهێنرا بۆ پێداچوونەوە لەسەر ئەو بڕە پارەیەی لە نەخۆشانی کۆڕۆنا وەرگیراوە لەلایەن نەخۆشخانە ئەهلیەکان بەجۆرێک کە پارەی زیاتریان لێوەرگیراوە لەو بڕەی کە وەزارەتی تەندروستی دیاری کردبوو”.

بەپێی ڕاگەیەندراوەکەی وەزارەتی تەندروستیی هەرێم، ” هەندێک نەخۆشخانەی ئەهلی پێچەوانەی بڕیارەکان خەرجی زیاتریان لە نەخۆش وەرگرتووە، بۆیه لیژنەکە سەردانی هەموو نەخۆشخانەکان دەکات، چونکە دوای تەشەنەکردنی ڤایرۆسی کۆڕۆنا وەزارەتی تەندروستی بە دوو قۆناغ بڕیاریدا نەخۆشخانە ئەهلییەکان داشکان بکەن بۆ تووشبووانی کۆرۆنا سەرەتا داشکان بەڕێژەی 25% و دواتر “.بەڕێژەی 50%.

وەزارەتی تەندروستی ئاشکرایکردووە، ” لیژنەکە بەردەوامە لە پێداچوونەوەی هەموو نەخۆشخانەکان و بەدواداچوون بۆ ئەو سکاڵایانە دەکەن كە لەسەر ئەو نەخۆشخانانە هەیە و هەر نەخۆشخانەیەک سەرپێچی کردبێت و پارەی زیادەی وەرگرتبێت، دەگەڕێندرێتەوە بۆ نەخۆش بە خاوەن مافەکان”.

بابەتی پێشتر

ڤیدیۆ.. ئیسرائیل هێرشیکردە سەر چەند شوێنێک لە نزیکی دیمەشق

بابەتی دواتر

پەرلەمانتارێكی گۆڕان: دوورخستنەوەی ئەم بەعسییانە كارێكی باش نییە

بابەتی پەیوەندیدار
Total
0
Share