ئەمریكا: ئارامگرتنمان بەرامبەر ئێران سنووری هەیە

وتەبێژی وەزارەتی دەرەوەی ئەمریكا ڕایگەیاندووە، ئارامگرتنی ئەمریكا بەرامبەر بە ئێران سنووری هەیە.

بەگوێرەی هەواڵێكی سكای نیوز كە ئەمڕۆ 25ی شوبات بڵاویكردووەتەوە، نید پرایس، وتەبێژی وەزارەتی دەرەوەی ئەمریكا ڕایگەیاندووە، “ئارامگرتنی ئەمریكا لەسەر ئێران سەبارەت بە گەڕانەوەی بۆ گفتوگۆكردن لەسەر ڕێككەوتنی ئەتۆمی، سنووری خۆی هەیە”.

ئەمریكا هەفتەی پێشوو هەلێكی دا بە ئێران بۆ ئەوەی بە ئامادەبوونی وڵاتانی بەشدار لە ڕێككەوتنی ئەتۆمی دانوستانەكانیان دەستپێبكەن، بەڵام تا ئێستا ئێران وەڵامی ئەمریكای نەداوەتەوە.

سەبارەت بەوەی ئەو هەلەی ئەمریكا تا كەی كراوە دەبێت؟، پرایس ئاماژەی بەوەكردووە، “ئەو هەنگاوانەی ئێران هەڵی گرتوون بە پێشێلكردنی بەندەكانی ڕێككەوتنی ئەتۆمی، ئەمریكا دەخاتە بەردەم ئاڵەنگارییەكی بەپەلەوە”.

وتەبێژی دەرەوەی ئەمریكا ئەوەشی خستوەتەڕوو، “ئارامگرتنمان سنووری خۆی هەیە، بەڵام سەرۆكی ئەمریكا و ئێمە پێمان وایە بۆ ڕێگری لە ئێران بۆ ئەوەی نەبێت بە خاوەنی چەكی ئەتۆمی، ڕێگای دێپلۆماسییە”.

بابەتی پێشتر

ئێشكگری كەناراوەكانی توركیا 9 كۆچبەر لە خنكان ڕزگاردەكات

بابەتی دواتر

نرخی نەوت بەهۆی کەمبوونەوەی بەرهەمهێنانی ئەمریکا بەرزبووەوە

بابەتی پەیوەندیدار
زیاتر ببینە

ترەمپ بە تەواوی نائومێدکرا

لەگەڵ ئەوەی جۆبایدن، کاندیدی دیموکراتەکان توانیبووی زیاتر لە ئاستی پێویست دەنگی ئەلیکتۆراڵ کۆلێج، (ئەنجومەنی هەڵبژێرەر) بەدەستبهێنێت تا بتوانێت…
Total
15
Share