بەمەبەستی پاراستنی گیاندار و باڵندە كێوییەكان لەو ناوچانەی بەفری زۆری لێباریووە، بڕی نیو تۆن گەنم و دانەوێلە گەیەندرایە بەرزاییەكانی مەرزی كێلی.
ئەو هەوڵە بە بەشداری چالاكوان و دۆستانی ژینگە و هێزەكانی دارستان و ژینگەی ناوچەی هێرۆ لە پشدەر بەڕێوەچوو.
ئومێد ڕەسوڵ، چاكوانی ژینگە لە پشدەر ئەمڕۆ سێشەممە 23ی شوبات بە تۆڕی میدیای ئێستای وت، لە بەرزاییەکانی مەرزی کێلی دوێنێ بڕی نیو تۆن گەنم و دانەوێڵە و وردەنان گەیەنرایە ئەو ناوچانەی بەفرێکی زۆری لێباریوە.
ئومێد وتیشی، “مەبەستیان لەو كارە بۆ ئەوەیە ئەگەر بۆ ماوەیەكیش بێت گیانداران و باڵندە کێوییەکان توشی گرفتی خۆراک نەبن”.
باسیشی لەوەكرد، ئەفسەر و بەشێك لە كارمەندانی دارستان و ژینگەی هێرۆ لەو هەنگاوەدا هاوكارییان كردوون.
