وەزارەتی کار ئەو خاوەنکارانە ئاگاداردەکاتەوە کە قەرزدارى دەستەبەرى کۆمەڵایەتیى کرێکارانن.
وەزارەتی کار و کاروباری کۆمەڵایەتیی هەرێمی کوردستان، ڕایگەیاند، ئاگادارى سەرجەم ئەو خاوەنکارانە دەکەینەوە کە قەرزدارى ساڵانى ڕابردووى دەستەبەرى کۆمەڵایەتیى کرێکارانن، ئێستا دەتوانن سەردانى بەڕێوەبەرایەتیی دەستەبەرى کۆمەڵایەتى بکەن و وەک کارئاسانییەک لەڕێگەى سیستمى ئەلیکترۆنیى (GKRD.KRD) زانیارییەکانیان داغلبکەن.
دەشڵێت، لەڕێگەی ئەو سیستمەوە دەتوانن تەواوى قەرزەکانیان لە ماوەى ڕابردوو بزانن و بەشێوەیەکى ئەلیکترۆنى ڕێکارەکانى پارەدان لەناو بەڕێوەبەرایەتى جێبەجێبکەن.
بەستەرى سیستمى ئەلیکترۆنى: www.gkrd.krd
