دانیشتنی دادگا بۆ دادگاییکردنی عـ.ـەجاج ناسراو بە جـ.ـەلادەکەی زیندانی نوگرە سەلمان، دواخرا.
بەپێی زانیارییەکانی پەیامنێری تۆڕی میدیایی ئێستا، دادگا بڕیاریداوە پڕۆسەی دادگاییکردنەکە بۆ ڕۆژی 14ی ئایاری 2026 دوابخات.
ئەم دواخستنە لە کاتێکدایە کە بەیانیی ئەمڕۆ ژمارەیەکی زۆر لە کەسوکاری قوربانیانی ئەنفال و شایەتحاڵەکانی تاوانەکە، بە جلی کوردییەوە لە بەردەم دادگای ڕەسافە لە بەغداد ئامادەبوون، بە مەبەستی گەواهیدان لەسەر ئەو تاوانانەی لە زیندانی نوگرە سەلمان دژ بە کورد ئەنجامدراون. تیمی پارێزەران و شایەتحاڵەکان چاوەڕوانی دانیشتنی داهاتوون بۆ ئەوەی ڕێکارە یاساییەکان بەرامبەر بەو تۆمەتبارە تەواو بکرێن.
