نێردەی دیپلۆماسیی ئەمریکا لە عێراق، ڕایگەیاند، هیوای باشترین بۆ عەلی زەیدی دەخوازین و بۆ بونیادنانی داهاتوویەکی خۆشگوزەران پاڵپشتی لە خەڵکی عێراق دەکەین.
باڵیۆزخانەی ئەمریکا لە بەغداد ڕایگەیاند، نێردەی دیپلۆماسیی ویلایەتە یەکگرتووەکانی ئەمریکا لە عێراق هیوای باشترین بۆ سەرۆکوەزیرانی ڕاسپێردراو، عەلی زەیدی، دەخوازێت، لە میانەی کارکردنیدا بۆ پێکهێنانی حکومەتێک کە توانای بەدیهێنانی خواستەکانی سەرجەم هاوڵاتییانی عێراقی هەبێت بۆ داهاتوویەکی گەشتر و ئارامتر.
دەشڵێت، پاڵپشتی لە خەڵکی عێراق دەکەین لە ئاواتخواستنیان بۆ ئامانجە هاوبەشەکانی پاراستنی سەروەریی عێراق و چەسپاندنی ئاسایشێک کە خاڵییبێت لە تـ.ـیرۆر و هەروەها بونیادنانی داهاتوویەکی خۆشگوزەران کە ببێتە مایەی سوودی بەرجەستە بۆ هاوڵاتیانی ئەمریکی و عێراقی.
