بەڕێوەبەرى گشتیى بازرگانیى هەرێمی کوردستان، دەستکراوە بە ئامادەکارییەکان بۆ دابەشکردنی بەشی سێیەمی بەشەخۆراک.
نەوزاد شێخ کامیل، بەڕێوەبەرى گشتیى بازرگانیى هەرێمی کوردستان لە لێدوانێکدا ڕایگەیاند، بەردەوامین لە دابەشکردنی بەشی دووەمی بەشەخۆراکی ئەمساڵ، %90 پڕۆسەکە کۆتاییهاتووە، بەڵام بڕ و ژمارەی زەیتمان کەمە، ئەمەش بۆ ئەوە دەگەڕێتەوە کە لە عێراقدا تەنیا یەک کارگەی دروستکردنی زەیت هەیە.
وتیشی، دەستمان کردووە بە ئامادەکارییەکان بۆ دابەشکردنی بەشی سێیەمی بەشەخۆراک و سەرجەم ماددە جیاوازەکان ئامادەن، لەم ڕۆژانە دەست بە دابەشکردنی دەکەین و چاوەڕێی بڕیارن بۆ دەستکردن بە دابەشکردنی.
ئەوەشی خستەڕوو، ئێستا لە دابەشکردنی بەشی سێیەمی ئاردداین و لە ئاییندەیەکی نزیکدا کۆتاییدێت.
