شارەزایەکی بواری کەشناسی ڕایدەگەیەنێت، ڕۆژی شەممە شەپۆلێکی بەهێزی بارانبارین ڕوو لە ناوچەکانمان دەکات و لافاوی زۆر دروستدەبێت.
ئاراس جەبار، شارەزای بواری کەشناسی ئاشکرایکرد، لە ئەنجامی کاریگەریی دوو نزمەپاڵەپەستۆ، لە ئێوارەی ڕۆژی شەممەی هەفتەی داهاتوو، شەپۆلێکی بەهێزی هەورەبروسکە و بارانی بەخوڕ سەرجەم ناوچەکانی هەرێمی کوردستان دەگرێتەوە و کاریگەرییەکانی بە بەهێزی و بە چەند قۆناغێک تا ئێوارەی ڕۆژی دووشەممە بەردەوامدەبێت.
وتیشی، لە ماوەی ئاماژەپێکراودا، لە زۆرێک لە ناوچەکان بارانی زۆر بەهێز دەبارێت، لەگەڵ ئەگەری بارینی تەرزە و دروستبوونی لافاوی زۆر و بەهێز لە هەندێک شوێندا.
