وەزارەتی خوێندنی باڵا و توێژینەوەی زانستی لە ڕاگەیەندراوێكدا ئاشکرایکرد، بۆ پاراستنی گیانی ئەو خوێندکارانەی هەرێمی کوردستان کە لە زانکۆکانی ئـ.ـێران دەخوێنن، بە بڕیارى د. ئارام محەمەد وەزیرى خوێندنی باڵا و توێژینەوەی زانستی چەند بڕیارێکدرا.
بەگوێرەی ڕاگەیەندراوەکە، ماوەی مانەوەی ئەو خوێندکارانە لە هەرێمی کوردستان لە 15ـی نیسانی 2026ـەوە تاوەکو 1ـی ئایاری 2026 درێژکراوەتەوە و ئەو ماوەیەیان بە ماوەی مانەوە بۆ ئەژماردەکرێت.
وەزارەتی خوێندنی باڵا ئاماژە بەوەشدەدات، لە دوای ئەم بەروارە، وەزارەت جارێکى تر هەڵسەنگاندن بۆ دۆخەکە دەکات و بڕیار و ڕێنمایی گونجاو دەردەکات.
