بەهۆی پێکدادانی پێنج ئۆتۆمبێل لە سۆران دوو کەس برینداربوون.
بەڕێوەبەرایەتیی هاتوچۆی سۆران بڵاویکردەوە، ڕووداوێکی ھاتوچۆ لە جۆری لێکدان، لەنێوان پێنج ئۆتۆمبیل لە جۆرەکانی تۆیۆتا هایلۆکس، تۆیۆتا لاندکروزەر، نیسان سێنترا، MG و لۆرییەکی ئێرانی، لە ڕێگەی سۆران-خەلیفان، لەناو گەلی عەلی بەگ نزیک شەلال ڕوویدا.
ئاماژەی بەوەشکرد، لە ئەنجامی ڕووداوەکە دوو کەس برینداربوون.
