سەرۆکی هەرێمی کوردستان لەبارەی شەهیدکردنی شەش پێشمەرگەکەی دەڤەری سۆران ڕایدەگەیەنێت، پەیوەندیمان بە کۆماری ئیسلامیی ئێرانەوە کردووە و دان بەوەدا دەنێن کە هەڵەیەک کراوە.
نێچیرڤان بارزانی، سەرۆکی هەرێمی کوردستان ڕایگەیاند، پەیوەندیمان بە ئێرانەوە کردووە و ئەوان دان بەوەدا دەنێن کە هەڵەیەک کراوە، بەڵێنیان داوە لێکۆڵینەوە لەو بابەتە بکەن و پەیامی سەرخۆشیشیان بۆ هەرێمی کوردستان ناردووە.
وتیشی، چاوەڕێین بزانین وەڵامی ئێران چی دەبێت بۆ ئەو هێرشە.
سەرۆکی هەرێمی کوردستان ڕاشیگەیاند، “ئێمە وەک هەرێمی کوردستان، فاکتەری ئارامی و سەقامگیریین و دووپاتمانکردووەتەوە کە هەرگیز سەرچاوەی هەڕەشە نیین بۆ هیچ لە وڵاتانی دراوسێ”.
