بەرپرسی راگەیاندنی بەڕێوەبەرایەتیی ئاوی چەمچەماڵ رایدەگەیەنێت، کارکردن لە پڕۆژەی ئاوی چەمچەماڵ بەردەوامە و %30ی کارەکانی تەواوبووە.
چیا هیدایەت، بەرپرسی راگەیاندنی بەڕێوەبەرایەتیی ئاوی چەمچەماڵ بە تۆڕی میدیایی ئێستای راگەیاند، “%30ی پڕۆژەی ئاوی چەمچەماڵ تەواوبووە و کارکردن لە پڕۆژەکەدا بەردەوامە، بەڵام ئەگەر کێشەی بودجەی بۆ دروستببێت ئەوا ئەو بەمنزیکانە پڕۆژەکە تەواونابێت”.
وتیشی، “ئەمساڵ رێژەی بارانبارین باشتربووە، بەڵام نازانین ئەمساڵ هێڵی ئاوی دوکان-سلێمانی چەندە هاوکارمان دەبن لە پێدانی ئاو یان نا، لە ئێستادا دۆخ باشە و شەش رۆژ جارێک ئاو دەسوڕێنینەوە”.
ئەوەشی خستەڕوو، “ئەگەر دۆخەکە بەمشێوەی ئێستا بێت، ئەوا هاوین دەتوانین بە رێکی ئاو بە هاوڵاتییان بدەین”.
