وەزارەتی تەندروستیی هەرێمی كوردستان، توشبوونی 107 كەسی دیكەی بە كۆرۆنا ڕاگەیاند.
ئەمڕۆ دووشەممە 1ی شوبات، وەزارەتی تەندروستیی هەرێمی كوردستان، ئاماری نوێی كۆرۆنای بڵاوكردەوە و ڕایگەیاند، لە 24 كاتژمێری ڕابردوودا چوار هەزار و 931 پشكنینی نوێ ئەنجامدراون و لەو ژمارەیە 107 توشبووی نوێ لە شارەكاندا تۆماركراون.
هەر لەو ماوەیەدا 395 توشبوو چاكبوونەتەوە و دوو توشبووش گیانیان لەدەستداوە كە هەردووكیان لە دهۆك بوون.
بەگوێرەی ڕاگەیەندراوی وەزارەتی تەندروستیی هەرێمی كوردستان، ژمارەی توشبووانی كۆرۆنا لە هەرێم گەیشتە 106 هەزار و 185 كەس، لەو ژمارەیە 99 هەزار و 191 كەسیان چاكبوونەتەوە و سێ هەزار و 472 توشبووشیان گیانیان لەدەستداوە.
